BUSCAR POETAS (A LA IZQUIERDA):
[1] POR ORDEN ALFABÉTICO NOMBRE
[2] ARCHIVOS 1ª, 2ª, 3ª, 4ª, 5ª 6ª 7ª 8ª 9ª 10ª 11ª 12ª 13ª 14ª 15ª 16ª 17ª 18ª 19ª 20ª y 21ª BLOQUES
[3] POR PAÍSES (POETAS DE 178 PAÍSES)

SUGERENCIA: Buscar poetas antologados fácilmente:
Escribir en Google: "Nombre del poeta" + Fernando Sabido
Si está antologado, aparecerá en las primeras referencias de Google
________________________________

domingo, 25 de marzo de 2012

6494.- SERGIO GUTIÉRREZ CAMBLOR



Sergio Gutiérrez Camblor (Lieres, Siero, ASTURIAS 1985) ye representante de les nueves xeneraciones d'escritores n'asturianu. Diplomáu n'enfermería ye miembru activu de la Xunta Moza.
Tien asoleyáu un poemariu "A dixo a B: perversu" cola editorial Trabe y tien ganaos dellos premios, como el IV Certame de Poesía Constantino Cabal en 1999 y l'Elvira Castañón nel añu 2006.
Sergio Gutiérrez Camblor tien collaborao en revistes asturianes como Formientu y formó parte de la creación del alcuentru lliterariu "Entamada07", nel conceyu de Siero.






XI


Sabes que soi mala persona. Como tal, quemo,
engaño, traiciono,
malmeto escontra lo bono de tolo que nos sobrevivirá, y,
les veces
que soi a ver más allá que tu, más allá de mañana,
apílome y riesgo lo qu’hasta güei foron los bonos planes pal futuru.
Razono tolo malo que vendrá.
Nun deseo prole propia. Nun quiero qu’engordes.
Presiento que morreré de cáncer,
nun sé cual,
pero tampoco quies que lo diga. Tate tranquila.
Dígote que tienes la piel mui blanco
y la melota más prieta que mio madre.Gústame.
Dícesme que fuisti roxa de neña, pero sé que me prepares pal nacimientu
de los bastardos.


Engáñalos


como yo faigo,
como fadrás conmigo.
Demuéstra-yos qu’un escontra l’otru facemos la pareya perfeuta.
Reclámame baillando, amor, fuerte y santa tovía. Con voz ronca.
Yo canto por nosotros.


De Los dioses de Curtis. Premiu Asturies Xoven de poesía 2009.


 




XII


Faigo pogos cola banda sonora de la vida. Tengo la tiesta pequeña y mui peluda.
Xiríngase, da escontra otres.
Tengo cara carneru.
Cuando llegue a la edá de los mios hermanos paeceré mayor qu’ellos,
pos yo nun duermo. Cuento hermanos. Y nun duermo.


De Los dioses de Curtis. Premiu Asturies Xoven de poesía 2009.








A ti préstente


A ti préstente tolos homes
–y dicen
que tamién delles moces con posibles aspirantes a top model-
y esti desesperu por tastiar el paladar del mundu
ye otru intentu d’enllenar d’imáxenes la vida.
Dalguna vez vi, tuvi tamién, un llugar afayadizu siguiendo
el pastu llargu que quemó l’orín ácidu de los que lo traguen. Warning.
A ti préstente tolos homes y yo nun soi menos qu’otru, alcuérdate,
pero yo almito la responsabilidá pa colos de la mio clase;
nun t’enseñaré les llorces onde s’exilia’l sebu
-les tetes fofes que tamién guardo-
y xiringaré nel mar tres veces la pirula
pa ufiertame poderosu baxo l’astru d’arena. Y asina
escitate a ti


y a tolos homes.










Enfrente del cuartu


Enfrente del cuartu u escribo hai una casa con tres hermanes.
Cuando la más pequeña se droga o mete al mozu en casa
yo miro pel cristal colos güeyos del coyote.


Fai tres nueches descubrióme al otru llau. Sélo.
Conoz les mios intenciones fosques. Sabe qu’un día llamaré al timbre
con fotos, feches y amenaces col nome de so padre pel mediu;
eso, si nun cede a cébame como sé que yá sabe. Bien.


Bien. Pero yá atopó con más besties de la mio raza. Nun cruzaré l’asfaltu
mientres les cortines sigan tando siempre medio abiertes
y l’acristalamientu doble nun se funda.


Raro.